Qolların əzələ kütləsini artırmağın 8 qaydası

İri qol əzələləri məşq etdirmək istəyirsiniz? Bu buraxılışda biz qolların əzələ kütləsini artırmağın 8 qaydası haqqında danışacağıq. Onlara riayət edərək siz mütləq müvəffəqiyyət qazanacaqsınız. Mən buna zəmanət verirəm.


1. Qızışma məşqi. Həmişəki kimi qızışma məşqi birinci yerdədir. Onu qiymətləndirməmək olmaz, çünki asanlıqla travma almaq və uzun müddətə “Halk” qolları arzusu ilə vidalaşmaq olar. Buna görə də qolların məşqindən əvvəl yaxşıca qızışma məşqi edin (əsas diqqəti hədəf əzələ qrupuna yetirin).

2. Biseps və trisepslər (kiçik əzələ qrupları) YALNIZ böyük əzələ qrupları (AYAQLAR, SİNƏ, KÜRƏK) ilə birgə böyüyür. Məhz buna görə yerdə qalan böyük əzələ qrupları (ayaqlar, kürək, sinə) unudulduqda qolların əzələ kütləsini artırmaq cəhdləri boşa çıxır.

3. Bisepslə trisepsi birlikdə, onlar üçün nəzərdə tutulmuş məşqləri növbələyərək məşq etdirmək lazımdır.(Bu ideal variant olar). Yadda saxlayın ki, həmişə bisepsdən başlamaq lazımdır, əksinə yox (trisepsi məşq etdirərək). Əks halda triseps, biseps üçün qaldırma məşqləri zamanı gücü məhdudlaşdıracaq.Buna görə də həmişə bisepsdən başlayın.

4. Məşqin əvvəlində ağır baza məşqlərindən istifadə edin. Onlar əzələ kütləsini və gücünü hər şeydən yaxşı artırır. Məşqin sonunda pampinq əlavə etmək və qollar üzərində işi yekunlaşdırmaq olar.

5. Braxialisi inkişaf etdirsəniz sizin biseps daha uzun və dolu formaya malik olacaq. Braxialis -  qolun çöl tərəfində bisepsin altından keçən əzələdir. Braxialis üçün ən yaxşı məşq çalışmaları ÇƏKİCLƏR və ƏKS TUTMA İLƏ QOLLARIN ƏYİLMƏSİDİR.

6. Hər bir məşq çalışmasının hər bir yanaşmasında qol əzələlərinin tam gücdən düşməsinədək məşq etməyə davam edin. Yəni hər yanaşma tam gücünüz bitənə kimi davam etməlidir.

7. Mən bu qaydanı 6-cı bənddən (qol əzələlərin tam gücdən düşməsi) sonra elə-belə yerləşdirməmişəm. Məsələ ondadır ki, hər bir məşqdən sonra TEXNİKAYA XƏLƏL GƏTİRMƏDƏN iş çəkilərini artırmağa çalışmaq lazımdır.Bu o deməkdir ki, məşqi asta və nəzarətli şəkildə yerinə yetirmək lazımdır (bu həm də sizə hədəf əzələsindən - bizim halda bisepsdən başqa digər əzələləri işə cəlb etməməyə imkan verəcəkdir).

8. Qan dövranını sürətləndirmək üçün yanaşmalar arasında dartılıb uzanma hərəkətindən istifadə edin. Boş əl ilə dirəkdən tutaraq, işlək qolu bacardığınız qədər arxa tərəfə çəkin. Bundan sonra eyni şeyi digər əlinizlə təkrar edin.

 

Go to top