program

İDMAN QİDALARI

Piyyandırıcılar

Piyyandırıcılar

Bodibildinqdə piyyandırıcıları

Piyyandırıcıları – dərialtı piylərin azaldılması üçün yaradılmış idman əlavələri və ya xüsusi preparatlardır. Onlar bədən çəkisini azaldır, əzələlərin relyefliliyini artırır, məşq zamanı diqqət və konsentrasiyanı yaxşılaşdırır, məhz buna görə onlar bodibildinqdə böyük populyarlıq qazanmışdırlar.

Bodibildinqdə piyyandırıcıları əzələlərin maksimum relyefliliyinə və konturluluğuna nail olmaq üçün effektiv instrumentdir, onlar metabolizmi stimullaşdırır, iştahanı yatırır, piy toxumalarında piylərin sintezini bloklayırlar. Bu əlavələr hər hansı bir idman növü ilə məşğul olan və ya dərialtı piylərin miqdarını azaltmaq istəyən insanlar üçün yaradılmışdırlar.

Düzgün qidalanma rejiminə riayət olunduqda, piyyandırıcılarının təsiri əsasən fiziki yüklənmələr zamanı işə düşür, lakin əgər piyyandırıcılarının qəbulu zamanı siz məşq etmirsinizsə və pəhriz saxlamırsınızsa, onların effektivliyi sıfıra enəcəkdir. Həmçinin, əgər siz azhərəkətli həyat tərzi sürürsünüzsə və dəqiq qidalanma rejiminə riayət etmirsinizsə, piyyandırıcıları sizin üçün faydasız olacaqlar.

Piyyandırıcılarının əsas növləri

Aşağıda təqdim edilmiş siyahıda çəkinin azalmasına və bəzi hallarda əzələ relyefinin güclənməsinə səbəb olan əsas piyyandırıcısı növləri qeyd olunub:

  • Termogeniklər – orqanizmin enerji sərfiyyatını çoxaldır, fiziki aktivliyi artırır, iştahanı yatırır və bunun hesabına piylərin yandırılmasını işə salırlar.
  • Lipotropiklər – mübadilə proseslərinin sürətini artırır və bu zaman piyləri parçalayırlar
  • Kalorilərin və ya qidalandırıcı maddələrin blokatorları:
    • Karbohidrat blokatorları – həzm yolundan karbohidratların mənimsənilməsinə mane olurlar
    • Yağ blokatorları – həzm yolundan yağların mənimsənilməsinə mane olurlar
  • İştahanı yatıran preparatlar (əksər hallarda bu termogeniklərdir, lakin iştahanın selektiv blokatorlarına da rast gəlinir)
  • Kortizol blokatorları (əzələləri parçalayan əsas katabolik hormonun səviyyəsini azaltmaq üçün lazımdırlar)
  • Omeqa-3 yağ turşuları və CLA
  • Diuretiklər – yağın (piyin) miqdarına təsir etmirlər, çəkinin azalması isə orqanizmdən mayenin müvəqqəti olaraq çıxarılması hesabına baş verir
  • Arıqlama üçün farmakoloji preparatlar.

Piyyandırıcılarının tərkibində əksər hallarda aşağıdakı inqrediyentlər olur:

  • Kofein
  • L-karnitin
  • Quarana
  • Yaşıl çay ekstraktı
  • Omeqa-3 yağ turşuları
  • CLA

Bu əsasən təbii mənşəli maddələrdir və yarışlarda iştirak edən idmançılara onların hamısından istifadə etməyə icazə verilir.

Piyyandırıcısını necə seçmək lazımdır?

Yüksək effektivliyi və təhlükəsizliyi ilə fərqlənən piyyandırıcısı seçmək üçün aşağıdakı xüsusiyyətlərə fikir vermək lazımdır:

  • Brend – nüfuzlu brend tərəfindən istehsal olunmuş piyyandırıcısını seçməyə çalışın. Əlavəni fərdi şəxsdən alacaqsınızsa, saxta məhsul almaq riski böyük olacaqdır. Bəzi az tanınmış istehsalçılar qablaşdırma üzərində yazılanlara uyğun olmayan tərkibli termogeniklər istehsal edirlər.
  • Tərkib - əlavənin tərkibini təhlil edin. Çox vaxt piyyandırıcıları az aktivliyə malik olan və ya tamamilə qeyri-aktiv komponentlərdən ibarət olurlar. Komponentlərin dozalarını hesablayın, ola bilsin ki onlar kifayət miqdarda deyillər.
  • Rəylər – məhsullarla bağlı şərhləri oxuyun. Başqa insanların rəyləri sizə ən yaxşı piyyandırıcısını seçməyə kömək edəcək faydalı məlumatlar verə bilərlər.
  • Tədqiqatlar – adətən effektiv termogeniklər kifayət qədər böyük tədqiqat bazasına malik olurlar.

Bu tövsiyələrə riayət etsəniz, siz qarşınıza qoyduğunuz məqsədlərə nail olmağa imkan verəcək ən yaxşı piyyandırıcısını seçə biləcəksiniz.

Piyyandırıcılarının düzgün qəbul qaydası:

  • Piyyandırıcısı kursu orta hesabla 2-3 ay davam edir, ondan sonra 1-2 həftəlik fasilə etmək, daha sonra isə qəbula yenidən başlamaq tövsiyə olunur.
  • Tövsiyə olunan dozanı aşmayın.
  • Qanda piyyandırıcılarının konsentrasiyasını yüksək səviyyədə saxlamaq üçün onları sutkada 2-3 dəfə qəbul etmək tövsiyə olunur. İstehsalçının tövsiyələrinə riayət edin.
  • Piyyandırıcılarını axşam vaxtı qəbul etmək lazım deyil, çünki bu yuxusuzluğa səbəb ola bilər.
  • Piyyandırıcısının qəbulu üçün ən münasib vaxt – səhər vaxtı və ya məşqdən əvvəldir. Termogenikləri bu vaxtlarda qəbul etməklə siz maksimum miqdarda kalori yandıra biləcəksiniz.

Piyyandırıcılarının zərəri varmı?

Piyyandırıcıları nisbətən zərərsizdirlər, lakin bəzi hallarda yan təsirlər müşahidə oluna bilər:

  • Bəzi preparatlar bədən temperaturunu 2 qradusadək yüksəldə bilərlər;
  • Zəif ifadə olunmuş diuretik effekt yarana bilər;
  • Həddindən artıq tərləmə müşahidə oluna bilər;
  • İştahanın pozulması, əsəbilik, ürəkbulanma, yuxululuq müşahidə oluna bilər. Bu halda dozanı azaltmaq və ya preparatdan imtina etmək tövsiyə olunur;
  • 18 yaşına çatmamış insanlara piyyandırıcılarından istifadə etmək tövsiyə olunmur. Qalxanabənzər vəzi, ürək, mədə-bağırsaq yolu xəstəliklərindən, yüksək təzyiqdən, diabetdən, prostatitdən əziyyət çəkən insanlara bu qida əlavələrinin qəbulu ilə bağlı həkimlə məsləhətləşmək lazımdır.

Nəticə

Piyyandırıcılarının qəbuluna başlamazdan əvvəl hansı müddətdə və hansı miqdarda artıq çəkidən azad olmaq istədiyinizi özünüz üçün müəyyən etməlisiniz. Vəziyyəti düzgün qiymətləndirmək lazımdır, çünki insan öz sağlamlığına zərər vurmadan həftədə maksimum 1 kq artıq çəki itirə bilər. Və əlbəttə ki, bu idman əlavəsinin qəbulu ilə paralel olaraq müvafiq pəhrizə də riayət etmək lazımdır. Əgər siz bu məqaləni başdan ayağa kimi oxumusunuzsa və bu sözlərə qədər çatmısınızsa, o zaman siz özünüzü piyyandırıcılar seçimi məsələsində və ümumiyyətlə onun mahiyyəti haqqında anlayışı olan bir insan hesab edə bilərsiniz. Biz, ilk növbədə, satdığımız hər bir əlavənin mahiyyətini öz alıcılarımızın nəzərinə çatdırmağa çalışırıq, çünki əgər siz onun iş prinsipini anlamasanız, onun qəbulundan maksimum faydanı ala bilməyəcəksiniz. Əgər sizin əlavə hər hansı suallarınız varsa, telefonla (055 335 11 71) vasitəsi ilə bizim konsultantlara müraciət edə bilərsiniz. Həmçinin siz bizim mağazalarımıza yaxınlaşa və yerindəcə satıcıya öz suallarınızı verərək bəyənəcəyiniz piyyandırıcı ala bilərsiniz. Diqqətinizə görə təşəkkür edirik.