program

SUALLAR VƏ CAVABLAR

Protein nədir?

Protein – tərkibində böyük həcmdə yüksək keyfiyyətli zülal olan toz konsentratıdır. Protein idmançının əzələ kütləsinin artımını, , eləcə də müasir insanın rasionun korreksiyasını  təmin etmək üçün vacibdir. Protein əzələ daxili hüceyrələrin yeni zülal molekullarının sintezi üçün əsası, tərkibidir. Buna görə də protein – amin turşuları qaynağı üçün xammaldır (əzələlər üçün tikinti materialı) və zülal sintezinin stimulyatorudur. Protein nə qədər çox olarsa, hüceyrə daxili sintez də bir o qədər fəal olar. Kulturistlərdə protein tələbatı birbaşa olaraq məşqlərin intensivliyindən asılıdır. Gündəlik protein qəbulu tələbatı öz çəkinizin hər 1 kiloqramı üçün 2-3 qram zülal təşkil etməlidir. Proteindən istifadənin yan təsiri – (əgər təlimatlara riayyət edilərsə) – yoxdur. Proteinin cinsi güc, dişlərin, saçın tökülməsi və s. mənfi təsir göstərməsi haqqında nağıllar ağılsızlıqdan başqa bir şey deyildir.

 

Qeyner nədir?

Qeyner – tərkibində böyük həcmdə yüksək keyfiyyətli zülal və karbohidratlar olan toz konsentratıdır. Qeyner, demək olar ki, mürəkkəb karbohidratlar əlavəsi ilə olan proteindir. Bunun sayəsində qeynerlərin yüksək anabolik effekti vardır. Əzələlərin artımı üçün enerji, kalori lazımdır ki, bunu da qeyner verir. Məsləhət görülür ki, qeynerləri məşqlərə 1-1,5 saat qalmış  və məşqlərdən 15-30 dəqiqə sonra qəbul edilsin. Məşqin başlamasına qədər qeynerlər optimal enerji fonu yaradır və əzəzlədaxili sərbəst amin turşularının ehtiyatını artırır ki, onlar da böyük yükləmələr zamanı fəal mübadilıə edilir. Karbohidratların mürəkkəb tərkibi bir neçə saat ərzində uzunmüddətli təsiri təmin edir.

 

Tribulus nədir?

Tribulus Terrestris – bu təbii yolla testosteronun hasil edilməsini gücləndirən bitki mənşəli əlavədir. Preparat idmançılarda əzələlərin ölcü və gücünü nəzərəcarpacaq dərəcədə artırır, cünki testosteron cox güclü anabolik hormondur. Bu preparat dünyanın ən yaxşı atletləri və kulturistləri tərəfindən qəbul edilir. Trubulus terrestisin yan effekti yoxdur və sağlamlıq üçün ziyan olmadan qəbul edilə bilər. Eləcə də Tribulus, cinsi gücü, libidonu (seksual meyli) və sperma keyfiyyətini artıran olduqca güclü və effektiv preparatdır.

 

Aminturşular nədir?

Aminturşular – zülalın (əzələnin) tərkib hissəsidir. İntensiv məşqlərdən sonra tam aminturşular kompleksinin qəbul edilməsi zəifləmiş əzələ hüceyrələrinin effektiv bərpası üçün həlledici əhəmiyyətə malikdir. Aminturşular qəbul edildikdə, məşqlərdən sonra orqanizmdə yaranan yüksək hormonal fonun potensial imkanlarından istifadə edilir. Aminturşular əzələ kütləsinin və gücün artımını sürətləndirir.

 

Energetiklər nədir?

Bu karbohidratlar və karbohidrat-zülallardan, bəzən isə kofein və vitaminlərin əlavəsi ilə olan xüsusi qarışıqdır. Belə qarışıqları adətən məşqdən əvvəl qəbul edirlər ki, orqanizmin yüksək enerji ehtiyatı olsun. Məşqdən sonra isə enerqetiklər, enerji ehtiyatının bərpa edilməsini sürətləndirir.

 

Kreatin nədir?

Kreatin – bu insanların və heyvanların əzələlərində olan, enerji mübadiləsi, əzələ hərəkətləri və insanın yaşaması üçün vacib olan əvəzedilməz, təbii maddədir. Kreatin bodibildinqdə idmanda əldə edilən nəticələrin yüksəldilməsi, eləcə də əzələ kütləsinin artırılması üçün istifadə edilən qida əlavəsidir. O, enerji istehsalında və əzələ yığılmalarında əsas rolu oynayır. Ərzaqların təbii hissəsi kimi, əsasən ət və balıqda olur. Qırmızı ət – kreatinin ən gözəl təbii qaynaqlarından biridir. Bitki məhsullarında isə əksinə olaraq kreatin tərkibi olduqca azdır.

 

Vitaminlər qəbul etmək lazmdırmı?

Vitaminləri içmək lazımdır. Bu xüsusilə də qış-yaz aylarında mühümdür. Yeni başlayanlar üçün hər hansı bir polivitamin kompleksi xeyirli olar. Səhərlər askorbin turşusu qəbul etmək olar. Həm də əlbəttə ki, meyvələri yaddan çıxarmaq olmaz. Alma, apelsin, banan və bir çox başqalarını.

 

Özünüzə uyğun protein içkisi necə hazırlamaq olar?

Bu mümkündür. Ən sadə variant mikserlə yumurtanı, bananı və kəsmiyi qarışıdırmaqdır. Həmin təkcins kütləni məşqdən sonra içmək olar. Əgər tamı xoş olmasa, dad üçün bal da əlavə etmək olar.

 

Bodibildinq – sağlamlıq üçün ziyanlı deyil ki?

İnsan bədəni hərəkətlər üçün yaranıb və fiziki ağırlıqlar üçün uyğunlaşdırılıb. Məşqlər nəticəsində əzələ kütləsinin artması faktı da məhz bundan xəbər verir. Müasir dünya çox vaxt insanı iş yerində stula bağlayır və ya onu həddən artıq az sayda fiziki yükləmələrlə məhdudlaşdırır. Bunun nəticəsi kimi çoxlu sayda xəstə insan vardır ki, onların orqanizmi yavaşdırılmış rejimdə çalışır, immuniteti zəifdir, maddələr mübadiləsi orqanizmdə piy və şlakların yığılmasından ibarətdir. Düşünülmüş fiziki yükləmələr vəziyyəti dəyişir: maddələr mübadiləsini fəallaşdıraraq, immuniteti möhkəmləndirir və orqanizm daha sağlam və güclü olur.

 

“Sıfırdan” necə yaxşı məşq etməyə başlamaq olar?

Qarşınızda hər hansı bir hədəfi qoyarkən ilk növbədə əsas olanı yaddan çıxarmayın – öz sağlamlığınızı möhkəmləndirmək. Elə birinci məşqdən başlayaraq bu hədəfdən yayınmaq lazım deyil ! Buna görə də israrlı şəkildə məsləhər görülmür ki, öz orqanizminiz dərhal böyük yükləmələrin altına atasınız. Belə hallar məlumdur ki, yeni başlayanlar həftədə 6 dəfə məşq edirlər, lakin əzələ kütləsinin artmamasına və dərinin altından damarların qeyri-sağlam şəkildə qabarmasına təəcüblə baxıırlar. Istisnasız olaraq bütün yeni başlayanlar üçün, kiçik çəkilərlə ilə, həftədə 2-3 dəfə məşq rejimi doğru yanaşmadır.

 

Əzələ artımı üçün nəcə qidalanmaq lazımdır?

Məşq edənlərin qidasına mütləq bütün mikro və makro elementləri özünə daxil etməlidir: zülallar, karbohidratlar, piylər, vitaminlər və minerallar. Müntəzəm və ən azı gündə üç dəfədən az olmayaraq  qidalanmaq lazımdır. Lakin heç vaxt zorla yemək olmaz. Məsələ ondadır ki, qidalanmaq olduqca fərdi bir prosesdir. Sizin orqanizminiz özü bilir ki, ona nə lazımdır. Əgər Siz qaydasında məşq edirsinizsə, onda heç vaxt məşqdən sonra  şokolad və ya çips yemək istəməyəcəksiniz, bunu üçün alternativlər var: toyuq, salatlar, sıyıqlar, meyvələr, tərəvəzlər. Ancaq təbii ərzaqlarddan istifadə edin.

Məsləhət görün, tərkibində çoxlu sayda zülal olan təbii nə yemək olar?

Ən ideal sayılan yumurtanın zülalıdır (onun qida dəyərliliyi 100%-dir). Onun arxasınca toyuq əti gəlir (xüsusən də ən az piy olan döş hissəsi). Sonra yerdə qalan ətləri də yaddan çıxarmaq lazım deyil (qoyun və mal əti). Həmçinin kəsmik də faydalıdır (onun tərkibində hər şeydən əlavə çoxlu sayda kalsium var ki, bu da az əhəmiyyətli deyil). Bunlar heyvan mənşəli zülallar idi. Bitki mənşəli zülallardan isə soya, paxlanı yadda saxlamaq lazımdır.

 

Mən siqaret çəkirəm, bu məşqlərə necə təsir edəcək?

Çox pis. Güc idman növləri ilə məşğul olan adam üçün siqaret çəkmək öz kütləsinin artımı qarşısında maneə qoymağın ən etibarlı yoludur. Tərgidin!

 

Mən hər axşam iki saat futbol oynayıram, bunun necə təsiri var?

Heç bir təsiri yoxdur, lakin belə bir rejim kütlə yığmağa yardım etmir. Ona görə də əgər belə rejimlə məşğul olmağa davam etsəz, relyefli, lakin arıq bədən əldə edəcəksiz.

 

Niyə məşqlərdən sonra əzələlər ağrıyır?

Məşqlərdən dərhal sonra əzələlərin ağrımasının səbəbi, əzələlərdə süd turşusu yığılmasıdır. Süd turşusu qlükozanın yekun məhsuludur və aşağı çəkili yükləmələrdə rahat şəkildə tər və sidik vasitəsi ilə əzəzlələrdən çıxarılır. İntensiv anaerob yükləmələrdə süd turşusu ifraza getməyə çatdırmır və əsəb reseptorlarıı qıcıqlandırır. Süd turşularının tezliklə çıxarılması üşün faydalı olanı ilıq duşdur (məhz ilıq, qaynar yox). Əzələlərin səhəri gün ağrımasının səbəbi əzələ liflərinin mikrozədələləridir. Bu ağrılar yeni başlayanlar üçün xarakterikdir.  Sonradan, məşqlərin gedişində orqanizm adaptə olur və ağrı həddi uzaqlaşır. Əgər səhəri gün ağrı çox güclüdür və hərəkət etməni çətinləşdirirsə, bu birmənalı şəkildə həddindən artıq məşq yükləmələrinin nəticəsidir.

 

Mənə məşqdən sonra saunaya getmək olar? Yorğunluğu yaxşı çıxarır.

Məsləhət deyil - bu ürək üçün güclü yükdür. Daha yaxşısı otaq temperaturlu duş qəbul edin və yaxşıca dincəlin.

 

Kulturist-idmancıya neçə saat yuxu vacibdir?

Minimal hədd 8 saatdır. Daha artıq – daha yaxşıdır. Yuxudan özünüz durmalısınız, heç bir zəng və sair  olmadan. Ertədən yatmaq lazımdır və yaxşı olardı ki, bu həmişə eyni vaxtda olsun.

Niyə heç də həmişə bütün metodikalar yeni başlayanlara yaramır?

Məsələ bundadır ki, yeni başlayanla dörd illik “kaçok” təcrübəsi olan üçün məşq sxemləri eyni deyil. Yeni başlayan daha çox baza hərəkətlərindən inkişaf edir, artıq bu mərhələni keçmiş  “kaçok” isə öz orqanizmini təəcübləndirmək və əzələ kütləsini daha da inkişaf etdirmək üçün yeni vasitələr tapmalıdır. Belə vasitələrin sayı hesabı yoxdur, ağrı treninqindən başlayaraq (bütün bölmələrdə bütün hərəkətlər sonuna qədər yerinə yetirilir) güc dövrlərinə kimi. Lakin  bütün bu metodlar “kütləyə hesablanmış” klassik məşğələlər artıq əvvəlki effekti vermədikdə lazım olur. Buna görə də əgər siz yeni başlayansınızsa, heç vaxt peşəkar “kaçokun” metodikasından yapışmayın, o sizə illər ərzində yoxlanılmış baza treninqindən pis nəticəni verəcək. Bir il – ilyarımdan sonra, siz möhkəmləndikdən, gücləndikdən sonra, gözəl günlərin birində - görəndə ki, artıq inkişaf dayanıb ... bu anda qeyri-adi metodların da vaxtı gəlib çatmış olacaq.

Məşqlər cinsi gücə təsir edir?

Ümumi hallarda müntəzəm yükləmələr orqanizmin bütün sistemlərinin, o cümlədən də cinsi orqanların fəaliyyətini ancaq yaxşılaşdırır. Başqa sözlərlə desək, müntəzəm idman məşqlərindən heç vaxt heç kim impotent olmayacaq, əksinə, öz sağlamlığını, bədəninə qulluq etməyi buraxmış insanlara nisbətən daha uzun müddətə qorumuş olacaq.

Hərəkətləri necə doğru yerinə yetirmək olar?

Ümumiyyətlə heç bir effekt olmadan nəsə (hərəkət mənasında) etmək qeyri-mümkündür. Qantellərlə, qirlə, ştanqla necə hərəkət etməyinizdən asılı olmayaraq – istənilən halda bu effekt verəcək. Lakin əsas məsələ ondadır ki, Siz öz vaxt və gücünüzü nə qədər effektiv sərf edəcəksiniz. Məlum müdrüklər sözündə deyir ki, “”kaçokun” bədəninin əsas hissəsi onun beynidır, əks halda istənilən yükdaşıyan da “Mister Olimpiya” ola bilərdi”. Çalışın ki, məhz göstərilən hərərkətin istiqamətləndiyi əzələləri yükləyəsiniz, düzgün nəfəs alın. Ancaq bu yolla siz inkişafa nail olmaqla bədənizin durğunluğa düşməsindən qaça bilərsiniz. Heç bir vaxt, hansı əzələlərə istiqamətləndiyini bilmədiyiniz (yeni başlayanların məlum problemi) hardasa gördüyünüz və yə müstəqil fikirləşib tapdığınız hərəkətləri etməyin.

Düzgün nəfəs almaq nə qədər vacibdir?

Nəfəsi tutmaq və ya qeyri-bərabər nəfəs almaq istənilən hərəkət zamanı orqanizmi, onun bu zaman heç bir vaxt olmadığı qədər ehtiyac duyduğu oksigendən məhrum edir, nəticə kimi də, gücün tez itirilməsinə və məşqlərin effektinin 50% aşağı düşməsinə gətirib çıxarır.

Niyə hərəkətləri aramla yerinə yetirmək vacibdir?

Məşqlərə vaxt keçirmək və ya “quş qoyulması” xətrinə deyil, özünüz üçün gedirsiniz. Buna görə də heç vaxt mümkün qədər tez əziyyət çəkib bitirməyə çalışmayın. Aramla və düzgün yerinə yetirilən istənilən hərəkətin təkrarında həzz almağa çalışın. Təkrarları tez etməkdənsə, asta etməyə çalışın. Hərəkətin tez yerinə yetirilməsi zamanı dinamika nəticəsində köməkçi amillər yaranır, digər əzələlərin hesabına hərəkət asan gedir, hərəkət effektsiz olur.

Məşqlərin sistemini dəyişmək lazımdır?

İnsan bədəni elə qurulib ki, mövcud olmanın şərtlərinə uyğunlaşır. Məhz bu bacarıq nəticəsində əzələ kütləsinin inkişafında durğunluq yarana bilər, orqanizm sadəcə olaraq eyni növ yükləmələr adət edir. Bundan qaça bilmək üçün, zaman-zaman yerinə yetirilən hərəkətlərin ardıcıllığını, eləcə də hərəkətlərin özünü dəyişmək lazımdır.

Günün hansı vaxtlarında məşq etmək yaxşıdır?

Məşq üçün ən yaxşı vaxt günün ikinci yarısıdır. Məşqdən sonra bədənin istirahət və qidalanmaya ehtiyacı olur. Bu məqsədlə ən gözəl uyğunluq şam yeməyi və gecə yuxusudur (şam yeməyindən 1,5-2 saat sonra). Əgər şərtlər (iş, təhsil saatı və s.) sizi səhərlər məşq etməyə məcbur edirsə, mütləq güclü səhər yeməyi yemək lazımdır, məşqlərə isə yeməkdən ən azı iki saat sonra başlamaq lazımdır. Məşqdən sonra isə bir saatdan az olmayaraq passiv istirahət etmək məsləhət görülür.

Ştanq və ya trenajor – hansı yaxşıdır?

Ştanq və qantellərlə olan hərəkətlər baza hərəkətləri sayıılır. Məhz bu hərəkətləri yerinə yetirrərək, tutmaları və hərəkət bucaqlarını dəyişməklə daha effektiv şəkildə əzələləri böyütmək olar. Trenajorlar isə, bir qayda olaraq, daha dar təyinatlıdır, onların tətbiq edilməsi rəngarənglik, bədənin müəyyən yükləmələrə vərdiş etməsinin qarşısını almaq və ya hər hansısa müəyyən bir əzələ dəstəsinin vurğulanması üçün məsləhət görülür.

Harda məşq etmək daha yaxşıdır – evdə yoxsa zalda?

Ev rahatlığı və mətbəxdən gələn qızardılmış toyuğun iyi – bu atmosfer diqqəti cəmləşdirərək fiziki hərəkətlərin yerinə yetirilməsinə istiqamətlənməyə heç də kömək etmir. Həm də heç də hamının evində məşq etmək üçün lazım olan avadanlıqlar yoxdur, evində turnik və beş kiloqramlıq qantellərin olması ilə məşq etməyin mümkünlüyü, əfsanədən başqa bir şey deyil. Bundan əlavə, ümumi idman ruhu, ünsiyyət, dostların dəstəyi və məsləhətləri, yarışma şəraiti – bütün bunlar hamısı idman zalının xeyrinə danışır.

Bəs zədələr necə?

Zədələrdən qaçmaq üçün hər bir yeni başlayan bodibilder bir neçə sadə qaydanı əzbər yadda saxlamalıdır:

-         bodibilderin birinci və əsas qaydası: məşqsiz isinmə hərəkəti daha yaxşıdır, nəinki isinməsiz məşq;

-         istənilən hərəkət üçün birinci yanaşmanı kiçik çəkilərdən başlayın, özünüzü ağırlığa salmayın;

-         müqayisə edilə bilən çəkilər qaldırın, əgər yeni başlayansınızsa xüsusilə də ehtiyatlı olun – özünüzü “dağıtmayın”;

-         ştanqda, qanteldə və trenajorda blinləri yaxşı möhkəmlədin, idman zalında əylənməyin;

-         əzələlərin qopması və daxili orqanların yerinin dəyişməsindən qaçmaq üçün hərəkətətləri düzgün yerinə yetirin;

-         ürəyinizi qoruyun, gündə 1,5 saatdan artıq məşq etməyin.

Əzələlər nəyin hesabına artır?

Məşqlər zamanı bəzi mikroskopik əzələ lifləri qopur, məşqlərdən yarım saat- bir saat sonra isə əzələ kütləsi azalır. Sonradan yaxşı qidalanma və istirahət nəticəsində əzələ toxumalarının hiper bərpası prosesi gedir. Bax buna görə də məşqdən sonrakı istirahət, məşqlərin məhdudlaşdırılmış müddəti və tezliyi, əzələlərin bərpası üçün çox vacibdir. Bir çox yeni başlayanların əsas səhvi ondan ibarətdir ki, tez artmaq istəyi ilə onlar məşqlərlə özlərini demək olar ki, sözün hərfi mənasında xərcləyirlər, bununla da öz bədənlərini artırmaq imkanından məhrum edirlər.

Həftədə neçə dəfə idman zalına getmək lazımdır?

Maksimum – 3-4 dəfə. “Kaçokların” bir çoxu məhz belə edir. Bundan çox getdikdə orqanizm  tez bir şəkildə məşqdən doyma vəziyyətinə girir və inkişaf dayanır. Lakin bəzi sayda insanlar var ki, onlar yüksək intensivlikli məşqlərin tərəfdarıdırlar ki, həftədə cəmi iki dəfə məşq edirlər, lakin bu məşqlər tam gücdən düşənə qədər yerinə yetirilir. Siziin üçün yaxşı olanı, əvvəlcə 1-2 ay müddətində, həftədə üç dəfə məşqə getməkdir, sonra isə özünüz üçün uyğun olan treninq sistemini seçmək olar.

Trenajor zalında yaxşı davranış  qaydaları hansılardı?

Əgər siz idman zalına birinci dəfə gəlmisinizsə bir neçə yaxşı davranış qaydalarını yadınizda saxlayın:

a)     heç bir vaxt hərəkət edən adamla danışmayın – hətta nəsə mühüm bir şey baş verirsə də belə. O məşğuldur – ona mane olmayın!

b)   Qantelləri qaldırmamışdan əvvəl, yanınızda dayanandan həmin qantellərin boş olmasını və ya kimisə onunla məşğul olub-olmamasını soruşun. Ştanqdan xəlvətcə blinlər çırpışdırmağa çalışmayın.

c)     məşqdən sonra işlətdiyiniz qantelləri və blinləri yerinə qaytarın, onları zalda dağınıq vəziyyətdə qoymayın.

Bir məşq zamanı nə qədər hərəkət etmək lazımdır?

Bu suala cavab vermək çətindir – cavab coxsaylı amillərdən asılıdır. Lakin orta hesabla hər əzələ üçün üç-dörd hərəkətin edilməsi – optimaldır, onlardan biri baza hərəkəti və iki-üçü isə izolyasiya edən hərəkətlər olmalıdır.

Eyni hərəkəti neçə dəfə təkrar etmək lazımdır?

Bu yenə də sizin məqsədlərinizdən asılıdır. Əgər siz kütlə yığmaq istəyirsinizsə, onda bir hərəkətdə üç yanaşma əsl yerindədir. İki və ya dörd də olar. Bu çərçivədən kənara çıxmaq isə lazım deyil.

Bəs bir hərəkətdə neçə təkrar etmək lazımdır?

Sizin məşq məqsədinizdən asılıdır. Əgər sizə güc lazımdırsa, 3-5 təkrar etmək lazımdır, əgər kütlə lazımdırsa 6-8 dəfə, əgər əzələləri relyefli etmək istəyirsinizsə 12-15 dəfə etmək yerinə düşər.

Yanaşmalar arasında nə qədər müddətdə istirahət etmək lazımdır?

İstirahət üçün fasilələrin müddəti təkrar sayından asılıdır:

1-3 təkrardan sonra –3-5 dəqiqə istirahət edin;
4-7 təkrardan sonra – 2-3 dəqiqə;
8-12 təkrardan sonra – 1-2 dəqiqə;
13 və daha çox təkrardan sonra – maksimum 1 dəqiqə.
Burada nəzərdə tutulur ki, təkrar sayı nə qədər azdırsa, iş çəkisi o qədər böyükdür.

İş çəkisini necə seçmək lazımdır?

Düzgün iş çəkisi – lazımi sayda təkrar yerinə yetirə biləcəyiniz və yanaşmanın sonuna yaxın sizin tam gücdən düşməyinizə səbəb olacaq iş çəkisidir. Onu tərcrübədə yoxlaya-yoxlaya müəyyən edirlər.  Əgər siz yeni başlayan idmançısınızsa və ya yeni bir çalışmanı öyrənirsinizsə, hərəkətləri ehtiyatla və maksimum səy tətbiq etmədən icra edin.

Məşqdən əvvəl necə yaxşı isinmək olar və bunu etmək lazımdır?

İsinmək sözsüz ki, lazımdır – bu zədə ala bilmə ehtimalını azaldır, bədəni yüklərə hazırlayır və məşq etdirir. Isinməni iki mərhələdə yerinə yetirmək məsləhət görülür – məşqin lap əvvəlində bütün bədəni skakalka, yüngül qantellər və oturub-qalxmanın köməyi ilə isitmək, sonra isə kiçik çəkilər qaldırmaqla, onu yükləməyə başlamamışdan əvvəl hər bir əzələ qrupu isitmək (misal üçün, əgər siz ştanqla jim yerinə yetirmək istəyirsizsə, birinci yanaşma kimi boş qrifi bir 15 dəfə qaldırın, özü də asta-asta və aramla, onu silkələmədən. Bu əzələləri qanla doldurur).

Mənə deyiblər ki, əgər məşqləri tullasan, dərhal kökəlməyə başlayırsan?

Bu yalandır. Təbii əzələlər ancaq piylə örtülə bilər, lakin bunu elementar idman və səhər qaçışı ilə aradan qaldırmaq olar. Həm də ki, inanın - əgər “kaçokluğa” aludə olsanız, bu sizi narkotik kimi cəlb edəcək və məşqləri buraxmaq fikrinin özü dəhşətli görünəcək.

Mən nə vaxt Şvartseneggerə oxşayacam?

İnkişafın sürəti Sizin  genetikanızdan güclü şəkildə asılıdır. Elə bəxti gətirənlər var ki, bir ay məşq etdikdən sonra sözün əsl mənasında şişirlər, lakin elələri də var ki, onlara ilkin nəticəni əldə etmək üçün yarım il lazım olur.  Orta rəqəmdə dayansaq - əgər Siz bizim məsləhətlərə riayət etmiş olsanız, onda dörd aydan sonra güzgüdə nəzərəçarpacaq irəliləyişləri müşahidə edə bilərsiniz. Bundan əlavə inkişaf böyük ölçüdə Sizin istəyinizdən, fanatizminizdən və çalışqanlığınızdan asılıdır. Adətən az-çox idmançı görkəmi  üç ayda da əldə etmək olar, lakin onda vaxtında saatla yatmaq, gündə beş dəfə qidalanmaq, içki məclislərini unutmaq və müntəzəm sağlam həyat tərzi yaşamaq lazım gələcək. Amma bunu bir ilə də əldə etmək olar – onda şərtlər daha yumşaq olacaq. Buna görə də təkrar edək – 90% hər şey Sizin özünüzdən, Sizin fanatizminizdən asılıdır. Siz öz məşqinizə nə qədər çox sərf etsəniz, bir o qədər də çox əldə edəcəksiniz.

Mən varam, 5 kq-lıq qantellərim var, əzələləri artırmaq mümkündür?

Siz bu halda heç nə artıra bilməzsiniz. Buna görə də vaxtınızı boş şeylərə sərf etməyin, yaxşı idman zalına, yaxşı məşqçinin yanına gedin.